||Śrīlokeśvarabhāṣitaparājikā||
||oṃ namo lokanāthāya||
śrīmatyotarake ramye lokanāthaṃ prapṛcchati||
mānavānāṃ hitārthāya tārādevī mahākṛpā||
utpātalakṣaṇasyāpi śubhāśubhaparikṣaṇām||
deśaya tvaṃ kṛpāsindho vidhinā sahasā prabho||
lokeśvara uvāca||
śruṇu tāre pravakṣyāmi utpātaśāntikakramam||
paścime kālajāḥ lokāḥ pāpacārāḥ bhavanti hi||
utpātaṃ jāyate pāpāt taṃ naśyati vidhipriye||
tasmāllokahitārthāya mayā mithyā na bhāṣitā||
dhvajādidevavastreṣu cātmavastreṣu vā tathā||
bimbaṃ sañjāyate'ksmāt kṛtsnaṃ taṃ bahalaṃ śruṇu||
varṣaikenāthavā māse ṣaṭkena svāmi naśyati||
tasya śāntiḥ pañcarakṣāvidhānaṃ ca mahābalim||
bhūdānaṃ svarṇadānaṃ ca bhikṣācāryaṃ ca
bhojanam||
kuryādetena tacchāntiṃ bhavatīti viniścayaḥ||1||
vyāghrādijantavo'kasmāt deśe grāme'thavā gṛhe||
praveśayuḥ yadā tasmāt svāmimṛtyumahābhayam||
tacchāntirhomapāṭhena mahābalipradānataḥ|
bhūmiraṇyapradānena bhikṣācāryaprabhojanam||2||
(69)
dine uragapatena pātanendradhanustathā||
vajrapātena yadyatra kuṭumbe saṃkṣayaṃ bhavet||
śāntihomārcane sveṣṭadevārcanaṃ yathāvidhi||
grahārcanaṃ ca tatpāṭhabalidānaṃ ca kārayet||
bhūhiraṇyagṛhaṃ dānaṃ ācārye'bhyo'pi bhojanam||
śāntirbhavati etena lokanāthena bhāṣitā||
kūpapraṇālyādiṣu toyagandharbhavati nānarasavarṇakīṭābandhastathāsyānmaraṇam
prabho'syāthavā suhṛdbandhuvināśanaṃ syāt||
śāntistadaitajjalayajñakarmakāṃsyadugdhapātraṃ
saguḍaṃ ca tāmram||
kāṃsyaghṛtenenduyutaṃ savastraṃ hiraṇyagarbhodakapūrṇakumbhadānaṃ
hi
kūpādiṣu pūjanaṃ ca bhavati śāntiriti vadati nāthaḥ||4||
yasmin gṛhe saṃnivahatyakasmāt śmaśānagandhaṃ
ca vināgnidhūmam
nānāvidhaṃ jantuśarīrakhaṇḍaṃ mahābhayaṃ cāgnibhayaṃ
ca mṛtyuḥ|
māsena vā pañcamavatsareṇa vivādaduḥkhakalahāḥ
bhavanti|
etasya śāntirdaśavāsareṇa kuryāddhiraṇyapratimāpradānam|
svakṣatrapālārcanabhikṣubhojyametena śāntirbhavatīti
nityam||5||
mārjārayuddhena gṛhe pi yuddhaṃ bhavetsagotraiḥ
suhṛdādibhiśca|
strīśokasaṃtāpavivādaduḥkhaṃ māsāṣṭakenaiva
bhavanti nityam||
snānaṃ sutīrthe vimale prabhāte kalaśārcanaṃ
homavidhiṃ ca kuryāt|
mārjāramūrtirajatasya dānaṃ viprāya bhojyaṃ ca
tadaiva śāntiḥ||6||
gṛhe sarpa-praveśaṃ ca patanaṃ cāpi darśanaṃ
svāmināśo bhavettena pañcamāsena vā trayaḥ|
athavāpatyusuhṛdbandhunāśanaṃ ca dhanakṣayam|
tasya śāntiḥ prakartavyā saptāhaṃ nāpi laṃghayet|
tīrthe snātvā prabhātādau maṇḍalāni yathāvidhi||
trimadhu triphalā lohāḥ śirīṣasamidhena tu
(70)
homayetsaptavrīhyādi saptaśākasya bījaṃ ca
vighnotsādanamantreṇa sahasrahavyaṃ homayet||
samatsyamāṃsaraktaśca sadugdhadadhimeva ca||
vidhinā balimucchiṣṭaṃ dāpayet sarpaśaṅkite||
mṛtatatkāyamādāya tadbhūmau baliṃ datvā
tāḍayetsarṣapenaiva maraṇāpasnānamutsṛjet||
paṃcarakṣādipāṭhaṃ ca candrabimbādi dāpayet||
suvarṇadakṣiṇāṃ datvā bhikṣvācāryaprabhojanam|
etena tatpraśāntīti vadanti karuṇāmayāḥ||7||
gṛhe hi mṛtyusaṃprāpte'kasmāttasyādhikaṃ
phalam|
tadapi śāntipūrveṇa kārayedvidhinā budhaḥ||8||
gṛhe'kasmāt gṛhacchuchulikāmālāpradarśanāt| ( chuchundara strī. rī)
śokāyārādhanānnāśastrīviyogavināśanam||
tasya śāntiḥ hiraṇyena guḍapātraṃ pradāpayet||
vighnāntakabaliṃ datvā gaṇeśāya prapūjayet||8||
śvānena mūtrayedyasya aṃge tasya mahābhayam|
dhananāśaṃ mahārogaṃ kuṭumbaṃ ca vināśanam||
varṣadvayena tacchāntistaṇḍulāṃkuravodanaiḥ|
śvānarūpaṃ prakṛtvā ca dvātriṃśadbalisaṃvṛtam
paṃcopacāraṃ saṃpūjya tat ghṛte .... nekha nikṣipet|
dānaṃ ca raupyahemaṃ vā pratimāṃ guḍasaṃyutām|
suvarṇadakṣiṇāṃ sadyaḥ bhojyametena śāṃtayet||10||
nitambe khalinaṃ śvānaṃ dṛśyate pūrvavatphalam||
śāntiśca pūrvavatkāryā lokanāthenathoditām||11||
(71)
annavrīhyādisaṃpūrṇatoyakṣīrājyamadya vā|
bhāṇḍa-bhagnena tatsvāmi-maraṇaṃ varṣamāsataḥ||
tasya śāntiḥ hiraṇyaṃ ca godānaṃ bhikṣubhojanam|
hiraṇyagarbhasaṃpūrṇa kumbhavastre ca dāpayet||12||
vihāre vyañjane bhūmau mandire vā pi kutracit|
jantumṛtyustadaṃgaṃ vā dṛśyate tena tatphalam||
varṣaikenātha vā māsacatuṣkeṇa bhaviṣyati||
svāmimṛtyumahāduḥkhaṃ mahārogaṃ mahābhayam||
tasya śāntiḥ prātaḥ snātvā sutīrtheṣu dātavyaṃ
tilakāṃcanam||
lohapātraṃ samāṣaṃ ca sahiraṇyaṃ pradāpayet||
śāntirbhavati etena lokanāthana bhāṣitā||13||
rathe devālaye caitye prāsāde maṇḍape'thavā||
chatradhvajapatākādicūḍāmaṇirviśeṣataḥ||
kalaśaṃ sāyakaṃ vajraṃ devālaṃkārameva ca||
hyakasmātpatanaṃ bhagnaṃ dahanaṃ caiva vahninā||
nānāvaiparyameva vā tasya bhayaṃ bhaviṣyati||
mahāmārī bhayaṃ cāgnibhayaṃ rāṣṭravibhaṃgakam||
nānāvivādakalahaṃ durbhikṣaṃ dhananāśanam||
etāni pañcame māse saptame cāpi vatsare||
bhavantīti yadā śāntiḥ na kuryāditi niścayam||
teṣāṃ śāntiṃ pravakṣyāmi mahāmāyādiśāntaye||
sahasrāhutihomaṃ ca pāṭhamaṣṭottaraśatam|
āvartapañcarakṣākhyaṃ godānaṃ bhūmimeva ca||
hiraṇyapañcānnavastraṃ ca brāhmaṇāḥ ye ca bhikṣavaḥ||
śāntirbhavati etena lokanāthena bhāṣitām||14||
yasmindevālaye'kasmānnānādbhutaṃ bhavedyadā||
(72)
tadā varṣeṇa tatsvāmi-maraṇaṃ yāyāditi dhruvam|
śāntistasyaiva devasya pūjāṃ kuryāt yathāvidhim||
hemadānaṃ ca kaumārīpūjāṃ baliṃ ca dāpayet||15||
nānāpuṣpaphalānyādi jāyate'kālasaṃbhavet||
tadākālabhayaṃ yāti kṣaṇena varṣato'pi vā||
navagrahārcanadānaṃ sthānabaliṃ tathā|
kuryādetena tacchantirbhavatīti suniścayam||16||
kuṣmāṇḍabījapūrādi-phalānivṛkṣasaṃsphuṭam||
aṃkurāni ca tadgarbhe dṛśyate nātra śaṃkyate||
vaṃśanāśakuvaṃśaśca jāyate nātrasaṃśayaḥ||
svajanāni suhradbandhuviyogaśca bhaviṣyati||
kalaśādikaṃ saṃpūjya mahābaliṃ ca dāpayet||
phalādihemapratimādānaṃ dadyācca bhikṣave||
bhojyaṃ cāpi yathā śaktyā śāntiretena niścayā||17||
pakvadhānyādisaṃjāta maṃkulaṃ dṛśyate yadā||
tadā pūrvaphalaṃ bhūyāt śāntistasya ca pūrvavat||18||
devālaye gṛhe cāpi mīnaprāptena tatprabhuḥ|
maraṇaṃ vatsareṇaiva kuṭumbaṃ cāpi naśyati||
śāntihomaṃ tayā kuryāt hema-dhānyaṃ tilādikam||
dānaṃ bhojyaṃ ca saṃghebhyastena śāntiriti niścayaḥ||19||
akasmātsvarṇarūpyādinānāratnaviśeṣataḥ||
praṇaśyanti tadā tasya kalatrādi vinaśyati||
tasya śāntiḥ suvarṇādinānāratnaṃ ca dāpayet||
nāgārcanavidhānena devamabhyārcanaṃ tathā||20||
prāsādacālanenāpi bhūmisaṃcālanena vā|
akasmāddevatācaityarathatoraṇaparvatāḥ||
(73)
prāsādagṛhagarbhāśca cūḍāmaṇiviśeṣataḥ||
bhagnaṃ ca patanaṃ cāpi bhavettasya mahābhayam||
svāmimṛtyurviyogaśca kalaho bāndhavaiḥ saha|
śāntihomaṃ ca vidhinā balidānaṃ tathaiva ca||
gobhūhiraṇyapradānaṃ ca paṃcarakṣāṃ prapāṭhayet||
bhikṣvācāryaprabhojyaṃ ca śāntirbhavati niścayaḥ||21||
devatāgṛhavṛkṣāṇāṃ svadehānāṃ viśeṣataḥ||
chāyā na dṛśyate yena tena mṛtyurbhaviṣyati||
ṣaṇmāsenātha varṣeṇa kalatraṃ vā vinaśyati||
tasya śāntiḥ
tāmrapātre suvarṇasya pratimāmakṣatānvite||
saṃsthāpya maṇḍalaṃ kṛtvā pratiṣṭhāṃ kalaśārcanam||
vajrācāryāya taddānaṃ dadyāt bhojyaṃ ca
bhaktitaḥ||
etena śāntirnityena lokanāthena bhāṣitā||22||
kṣetravyañjana-bhūmau vā kusumāni kubījataḥ||
viparītena jāyante phalaṃ tasya kalatrahā
dhanakṣayaṃ ca kalahaṃ ṣaṇmāsena bhaviṣyati||
sthānabalipradānaṃ ca kalaśodakasiñcanam||
bhūdānaṃ rajataṃ cāpi bhojyadānena śāmyati||
gṛhe mṛtaśavāptena kasmāt śadbabhayāvahet||
svāmimṛtyurbhayaṃ tasya varṣaikaṃ nātra saṃśayaḥ||
śāntirmāsāhutiṃyajñaṃ piṇḍadānaṃ tathaiva ca||
sahiraṇyaṃ praguḍarūpaṃ kṣatrapālasya pūjanam||
pretabalipradānaṃ ca bhikṣvācāryaprabhojanam||
etena śāntirnityena mṛtakaśave tasya hi||
prāsādatoraṇādakasmāt patanaṃ bhagnameva ca||
(74)
daśaśatasamanpreṇādyutimurcchiṣṭatarpaṇam||
bhagnasthānaṃ catuṣkoṇa-mṛttikādāya tadbalim
datvāraṇye prakṣipeddānaṃ hiraṇyena guḍaṃ ghṛtam||
kaumārīpūjanaṃ cāpi gaṇacakraṃ ca kārayet||
śāntirbhavati etena veda karuṇāmayaḥ||24||
chidraṃ paśyati yo yasmintārāyāṃ candrasūryayoḥ||
mahāmārī ti durbhikṣaṃ bhayaṃ cāsminbhaviṣyati||
tasya śāntirmahāpañcarakṣāpāṭhaṃ mahābalim||
mahāyajñaṃ mahādānaṃ gohiraṇyatilādikam||
candrabimbasūryabimbatāmramuktādikaṃ varam|
sadyaḥ bhojyaṃ ca dātavyaṃ śāntiretena niścayaḥ||25||
akasmānmuktiḥ sūryasya darśanaṃ prāpyate yadā||
tadā dolāśvayānādvā patanānmṛtyurāpyate||
saṃvatsareṇa tacchāntiḥ pūrvavatkriyate sudhīḥ||26||
pūjitaṃ kalaśādakasmāt snānādanyatra pātitam||
śoṣaṇaṃ cāmṛtaṃ tasmin bhagnaṃ vā svāmī naśyati||
varṣeṇa māsataścāgnibhayaṃ nānābhayaṃ tathā||
kāryanāśabhayaṃ tasya śāntistu kalaśārcanam||
bhūdānaṃ svarṇadānaṃ ca kaumārībhojanaṃ tathā|
saṃghebhyaśca yathā śaktyā tena śāntīti niścayam||27||
homakāle yadākasmāt agnināśaḥ prajāyate|
yajamānaṃ kulaṃ hanti saptamāsaiśca varṣataḥ||
tasya śāntiḥ punarhomaṃ kṛtvā grahārcanaṃ tathā|
candrabimbādikaṃ jñānaṃ śāntiretena niścayaḥ||
devabaliprapūjāyāṃ mahiṣājāditarpaṇe|
purīṣotsṛjane raktanāśahīnaśca jāyate||
(75)
tena svāminaḥ bhavetmṛtyurpañcamāse'tha varṣataḥ|
tasya śāntiṃ punardevaṃ pūjayitvā ca tarpaṇam||
kṛtvā gobhūhiraṇyaṃ ca dānaṃ bhojyaṃ ca kārayet|
gajāśvago'javāhādivāhanāni vikāraṇāt||
maraṇaṃ yāti tattasya kalatraṃ hi vinaśyati|
tasya śāntirvāhanasya pratimārūpanirmitā||
vajrācāryāya taddānaṃ kuryācca gaṇacakrakam|
gṛhe'himṛtyusaṃprāpte'kasmāsmātsaṃyatanena vā||
saptāhe mṛtyumāpnoti māse vā gṛhanāyakaḥ|
tacchāntirjuhuyāt yajñaṃ maṇḍalāgniṃ yathāvidhi||
paṃcarakṣātrayāvartapatyaṃgirātridhā tathā|
paṃcaviṃśatyalaṃ tāmraṃ pātraṃ tilaiḥ prapūritam||
suvarṇagarbhaṃ saṃprāpya sitavastreṇa chāditam|
lavaṇaṃ ca pradātavyaṃ vajrācāryāya bhojanam||
śāntirbhavati etena niścayena pratāriṇī|
kṣetrādau bījaropeṇa ajātaṃ cānyatprajāyate||
tatsvāmimaraṇaṃ yāti māsārddhenārddhamāsataḥ|
tatsthāne juhuyāt yajñe kṣetrapālāya pūjanam||
kāṃsyaṃ ghṛtamayaṃ pātraṃ rūpaṃ candreṇa saṃyutam|
hiraṇyapradakṣiṇādānaṃ bhojyaṃ cāryagaṇottame||
etena śāntiḥ satyena kathitā munisattamaiḥ|
akasmāt bhūmikampena gṛhakṣetrādikampane||
tasmānnānābhayaṃ rogaṃ bhaviṣyati dhanakṣayam|
tacchāntiḥ karṣatohemagṛhamūrtirtilairyutam||
dānaṃ sthānādidevebhyaḥ pūjanaṃ saṃghabhojanam|
kākena spṛśyate ghāte'ksmādaṃgaviśeṣataḥ||
(76)
phalam syāt saṃvakṣye śīghramṛtyuśca svāminaḥ|
skandhe dhanakṣayaṃ śokaṃ kaṇṭhe kalaho'pi jāyate||
nitambe stambhamāpnoti pādau vātādipīḍanam|
udare śokasaṃtāpaḥ kākasparśana tatphalam||
tacchāntirjuhuyāt yajñaṃ tīrthasnānaṃ sacīvaram|
nāgārcanaṃ baliṃ cārghyakṣatrapālabaliṃ tathā||
rūpyaṃ candre hemasūryakāryamūrtiṃ ca dāpayet|
vajrācāryāya sauvarṇadakṣiṇādānataḥ śuciḥ||
padmaśākhāḥ pradṛśyante karṇikāhīnameva ca|
saiva mṛtyumavāpnoti śokamāpnoti niścayam||
tacchāntiḥ jalayajñaṃ vā agniyajñaṃ vā'pi kārayet|
tārāmantreṇa saṃghāya sahasraṃ juhuyātpunaḥ||
kāṃsyaṃ ghṛtamayaṃ pātraṃ rūpyaṃ candreṇa saṃyutam|
śvetavastrasamāyuktaṃ dātavyaṃ kṣīrabhojanam||
dhūmaḥ sañjāyate'kasmādagnihīnagṛhasya vai|
putrīnāśaḥ bhavettasya lakṣmīśoṣaḥ bhaviṣyati||
tasya śāntirmahāhomasvādhidevaprapūjanam|
dhūpayecca mahādhūpaṃ balidānaṃ ca kārayet||
gṛhe'kasmānmanuṣyādihastyaśvago vidāratu|
snānādijantavo mṛtyuprāptaiḥ mṛtyumāsapyate||
tacchāntiḥ saṃgame tīrthe gatvā snātvā yathāvidhi|
kalaśārcanādihomaṃ ca kṛtvā dānaṃ mahābalim||
etena bhātirityuktaṃ śāntirlokaśvareṇa vai|
khaḍgasaṃsthāpite'smātpūjāyāṃ patanaṃ yadā|
tadā tatsvāmimṛtyuḥ syāccaturmāse na saṃśayaḥ||
strīśokaṃ vā bhavedyasmācchāntiṃ tasya vadāmi
hi|
(77)
paṃcarakṣāmahāpāṭhadurgārcanaṃ tathaiva ca||
khaḍgadānaṃ samāṃsena sahiraṇyena kārayet||
svādhidevārcanaṃ caiva bhikṣvācāryaprabhojanam||
devālaye gṛhe vāpi kākavāsaṃ gṛhaṃ kṛtam|
ālāpitaśca sandhyāyāmakasmāttasya tatphalam||
paracakrabhayaṃ pūrve cāgnāvagnibhayaṃ tathā|
svāmimṛtyurbhayaṃ yāti naiṛte para ghātakam|
pratīcyāṃ kulanāśaḥ syādvāyau putravināśanam|
uttare dhananāśaḥ syād īśāne'timahābhayam||
madhye rājabhayaṃ caiva kālamṛtyubhayaṃ bhavet|
teṣāṃ śāntiṃ pravakṣyāmi tathāgatoditaṃ yathā||
tripalamitaṃ tāmrapātraṃ trimadhupūrītam|
suvarṇagṛhamūrtiśca saṃsthāpya kalaśārcanam||
homaṃ ca balinaivedyadānavastrādikaṃ gṛham|
kākalāpagṛhasthāne khaḍgasaṃhāraṃ bhāvayet||
paṃcagavyena saṃsicya tathā ca kalaśodakaiḥ|
dhūpayet sarṣapaṃ tatra kākagṛhaṃ ca dāhayet||
tadbhasma ca baliṃ datvāraṇyabhūmau vinikṣipet|
etena tacchāntīti kathitaṃ ca munīśvaraiḥ||
puṣpavṛkṣe'nyapuṣpasaṃjāye tena tatphalam|
putraputrīvināśaṃ ca trimāsena dhanakṣayam||
tasya śāntiḥ mahāpañcarakṣāpāṭhamahābalim|
candrabimbaṃ kāṃsyapātraṃ dadhidugdhaṃ ca dāpayet||
lohasarpahayaṃ caiva praveśena gṛhāntaram|
patanaṃ ca tato bhāryāputrīṇāṃ ca viniśyati||
(78)